唐英年自爆耶魯碩士未讀完

(http://www.epochtimes.com)

【大紀元7月9日訊】工商及科技局局長上任後曾話過「好驚」，卓妮昨日有機會問問這位特區新貴究竟有何事令他咁驚，唐英年一貫笑笑口話，「梗係驚啦，我做開老闆嘛，以前一句令下，所有下屬只要在合法之下要盡快達到目標，但係公務員做要講程序同步驟，唔係咁易做。」唐英年其實仲未講依家至少有兩人係佢老闆，做更加不簡單。

據東方日報7月9日報導﹐唐少講開當日董建華游說他當問責局長，原來只是一句「既然你做咁多公職，不如全職入政府做」，加上有信心處理政策可以同以前的官員有點不同，所以欣然答應。點知返屋企問父親唐翔千同太太時，兩人反應一致，都是一個字，「！」最後結果就大家都知。

最近有傳媒翻起其家族歷史，唐英年說有不少資料連自己都未聽過，不過亦有不少流料，佢自爆好多人以為他在耶魯大學讀完碩士，其實七六年在父親急召下返港打理家族生意，最後並無畢業，仲講笑話話唔定五年後去讀番個博士。五年後會否去選特首，唐可能明白政治要留有空間，所以無直接回應，只說「做好依家工作先啦！」

講到家族史，佢話唐家改名是來自一副放在家鄉無錫一間廟內的對聯，全聯是「勳培建國千年盛，積德留福百世興」，照數他就是家族的第六代。

(http://www.dajiyuan.com)