新詩：這個所在毋閣流血該有偌好
(Shutterstock)
血汗滴成鳥語花香
混濁溪水
流過南管絲竹的音符
響盞 叫鑼的鑼鼓聲熟透水稻田
挽一葉芋葉
田埂上啉一口茶水
小溪邊靜聽祖先的潺潺招呼
這個所在毋閣流血該有偌好
平靜的土地
我不敢回看歷史的血漬
天空特別藍
阿爸講阿公有交代：
按呢的天氣囡仔人愛有耳無喙
雖然庄下離都市離真遠
但是，天色攏仝款
讀冊是阿爸予我的任務
伊講，你要讀冊才會出擢
遠處又傳來鑼鼓聲
那是阿爸上蓋佮意的風景
這個所在毋閣流血該有偌好
五音佇稻田流竄
目屎佇阿爸的形影滾燙
PS.
出擢：出人頭地。
攏仝款：都一樣。
響盞與叫鑼是南管演奏的樂器。
五音即拍板（一種控制節拍的打擊樂器）加上琵琶、洞簫、二弦、三弦等上四管的合稱。
語凡/2025/8/8修寫於松屋
責任編輯：林芳宇@
相關文章