客家童謠

小時候在鄉下，常聽祖母輩，在田園裡工作時，念童謠作樂！謹就記憶所及，提供客家鄉親研究與參考 。

一、月光光，樹頭背，雞公礱穀狗踏碓，狐狸燒火貓炒菜。

二、月光華華，細妹煮茶，阿哥兜凳，人客食茶，滿姑洗身，跌撇手帕，滿人拈到，細嫂拈到，愛還捱呀唔還捱，大哥轉來會罵，細哥轉來會打，唔使打，唔使罵，十七十八愛行嫁，嫁到奈，嫁到禾埕背，種韮菜，韮菜花，結親家，親家門前一堆坵禾，割到三擔過兩籮，給你來捱又沒。

三、月光光，秀才郎，奇白馬，過蓮塘，蓮塘背，種韮菜，韮菜花，結親家，親家門前一口塘，厝介鯉麻八尺長，長介拿來煮酒食，短介拿來討脯娘。

四、樹頂鳥兒叫連連，愛討補娘又沒錢，兜張凳子同爺講，講來講去又一年。

五、 神前下，十八嫁，朝朝起來望水花，沒米煮，煮泥沙，沒床睡 ，睡天下，沒被遮，沒菜食，食樹牙。

六、阿啾箭，阿啾唧，上背叔婆做生日。唔知愛畀捱去也畀捱去，害捱打扮両三日。

七、缺牙扒，扒泥沙，扒呀扒，種冬瓜，冬瓜長，割來嘗，冬瓜大，採來賣，賣到兩個錢，拿來學打拳。

八、先生教捱人知初，捱教先生打山豬，山豬漂過河，跌到先生背駝駝。

九、月光光，溜溜光，船來等，轎來扛，一扛扛下河中心，蝦公毛蟹拜觀音，觀音腳下一頭禾，割到三擔過一籮，大人扛一擔，細人扛一籮，扛到背駝駝。

十、阿啾箭，尾鉈鉈，唐上過來驣叔婆，叔薄喏，掌牛喱，牛喏？賣到喱，錢喏，買菜喱，菜喏？開花喏喱，花喏？結子喱，畀火燒掉喱？

十一、又好叫，又好笑，阿公鬚老貓，貓仔叫豺豺，阿公著紅鞋，紅鞋脫啊忒，貓仔鑽入泥。

十二、唔好叫，唔好叫，捱帶你去拔蕃豆，蕃豆掛掛泥，你介啊姊嫁畀雸@

(http://www.dajiyuan.com)