成龍：如果觀眾信，就真係蠢

【大紀元8月16日訊】成龍跟章子怡因為拍攝《火拼時速2》時，章子怡在片場餵成龍食提子及親自用手接核，兩人隨即傳出緋聞，咁耐以來成龍都沒有就緋聞作出回應，昨日他終於以長途電話在電台「茶煲的查篤撐」節目中首次開腔，他大聲疾呼地否認。

個心冇事

據東方日報報導, 成龍聲稱：「如果觀眾信，就真係蠢啦！我時根本行唔到郁不得，因為我吊住威，佢餵我食時候，我知道有記者影相，但既然大家個心冇事，就唔使怕，隨便佢登咩就登囉，我又冇渠道去投訴，總之家事同家人負責，公司事同公司負責，公眾事同公眾負責，既然呢都唔關事，一澄清就中計。」

成龍表示，章子怡是一個好Lucky的女仔，拍了兩部電影就「哗」一聲走紅，成龍又露口風話：「佢依家紐約學緊英文，我都有同佢講要把握機會，唔好亂拍戲，（你不如做佢經理人？）我有同佢傾過，但佢有人幫佢做緊，大家都好熟絡，如果我幫佢做好似撬人牆腳，唔好意思。」

樹大招風

對章子怡被指態度囂張，有不少負面新聞，成龍坦言有跟章子怡傾過，他謂：「佢同我講拍戲時，大家都講廣東話，佢又溝通唔到，咪孤立一個人，退後少少囉，冇事，樹大招風嘛，以前你對人好三分，依家要好三十分，因為大家對你注目多啲，實有事啦。」

此外，在《火拼2》片中成龍跟尊龍合作，他稱：「好耐之前已想同佢合作，除佢我仲想同周潤發、周星馳、李連杰等合作，大家攜手對外，香港影圈先唔會被人淘汰。」

(http://www.dajiyuan.com)