【大紀元2016年09月21日訊】38歲的香港無綫小生陳智燊日前被爆已於英國當地時間9月19日與31歲華姐出身的宋熙年結婚，據知情人士透露，二人早前已入紙排期，預計12月將分別在英國、澳洲及香港三地舉行婚宴。
感情穩定努力搵錢
兩人早在2007年因合作主持娛樂新聞台而傳出戀情，可惜二人一直沒有承認。只是以情侶姿態搵錢接工作，似乎對於傳聞一概少理，也不否認。前年宋熙年突然在微博公開兩張佢與陳智燊一齊慶祝生日的合照，更溫馨留言：「Thank you for another memorable birthday!! More wonderful birthdays ahead... but hopefully not wrinkles..」
結婚禮服顯英倫風
宋熙年前日在fb放上一張背上貼了個「BRIDE」字印水紙，一切盡在不言中。陳智燊選了在英國Buxted Park Hotel舉行婚禮，還請來外籍攝影師拍照，陳智燊身穿白色禮服，宋熙年頭戴皇冠，身穿deep V白色婚紗，新郎好有「白馬王子」feel，新娘則高貴優雅。
姊妹團有默契配合
據悉，今次的兄弟姊妹團分別有祖藍夫婦、高海寧、王浩信、楊明、龔嘉欣等。藝人高海寧談到當日婚禮細節，她仍覺感動更取笑新郎陳智燊：「佢真係好有誠意，畀咗好大封開門利是我哋，即使我哋要求加碼，佢都爽快答應，睇得出佢好心急想娶熙年過門。」高海寧坦言婚禮過程「好溫馨、好sweet」﹕「即使我哋係特登飛過嚟都好值得，我哋由頭喊到落尾，衷心祝福呢對新人，搵到自己咁適合嘅另一半。」◇
責任編輯：黃浩
留言