(https://www.epochtimes.com)
【大纪元4月30日讯】运输署计划模仿西方先进国家，引入一套新车检定制度，用测试车辆能源、撞击、防盗等各项标准！
运输署究竟知唔知，好多，西方先进国家行得通，例如议会民主、直选国家元首、人权平等，但，亚洲就未必行得通，因为国情、民情都唔同？
车辆测试，咪又系一样！首先系外国地理环境，例如，北美洲同欧洲，都好多平原，边车，设计、性能、构造，都系为平原而设！
而特区呢？就唔同！例如港岛、新界，就好多山！架车上落花园道、干德道、大帽山、飞鹅山呀咁，条路又斜又窄，咁你引入一套欧美日本验车标准，当正人西方国家一套就系晒、冇错，又会唔会表错情、
搭错线，兼搞到特区车，由于乱咁验，架架唔合格，就算合格，由于适应唔到香港道路，变完全唔Key？
仲有，人北美洲同欧洲，气候亦唔同！四季分明，风光如画，冬天多雪，春天干爽，夏天晴朗，秋天又气爽，唔似得香港，一年四季，日日沙尘满天，又潮湿，灰濛濛一片，一架欧洲靓车处落地，冇几耐，架车都会满身尘埃，适应唔到香港潮湿天气，唔襟摆，你用套适合西方先进国家气候标准验，咁咪仲死得人多？
连大笨象，都分为亚洲象及非洲象两种！亚洲象系细只，象牙短，对耳仔细，品性驯；而非洲象，则对象牙又长又弯，对耳大好多，兼品性凶暴，同样系大笨象，根本系两种脾性，又点可以捞埋讲？
所以话运输署咁样系乱！不过，三年零十个月以来，成个特区政府瓣瓣都乱喇！都惯咯！个政府冇灵魂，唔犯错先至系大新闻呀！
(https://www.dajiyuan.com)
