電視打出一聲雷
飯會使凊彩食
話袂使凊彩講
鑿著厝邊隔壁耳空
就無好耍
過去冤家
裂破青天白日
今仔日煞糖甘蜜甜
雙爿攏有紅螞蟻
憨憨仔百姓毋知影死活
古意 骨力佮聰明
換來一片天清
玉山成做地球燈塔
一條椅條楗出一个世界
耍沙仔耍出一片天
燒咖啡的士農工商
開始架構未來的光景
閃電佇天 浪花佇海
拯救在家己，予
土地有國度 子孫有向望
注：
向望：希望；凊彩：隨便；會使、袂使：可以、不可以；
鑿著：刺到；耳空：耳朵；冤家：爭吵；雙爿：雙邊；
成做：成為；楗出：支撐；耍沙：玩沙；光景：願景。
責任編輯：林芳宇 @
留言